زانكۆی‌ گه‌شه‌پێدانی‌ مرۆیی‌ كه‌مپ له‌هه‌ڵه‌بجه‌دا ده‌كاته‌وه‌

نوێنه‌ری‌ هه‌ڵه‌بجه‌ له‌ئه‌نجومه‌نی‌ پارێزگای‌ سلێمانی‌ ئاشكرایكرد، بڕیاره‌ له‌داهاتودا كه‌مپێكی‌ زانكۆی‌ گه‌شه‌پێدانی‌ مرۆیی‌ له‌پارێزگای‌ هه‌ڵه‌بجه‌دا بكرێته‌وه‌، هه‌وڵیش ده‌درێت بۆ كردنه‌وه‌ی‌ ژورێكی‌ بازرگانی‌ بۆ پارێزگاكه‌.

(حه‌سه‌ن عه‌بدوڵڵا) نوێنه‌ری‌ هه‌ڵه‌بجه‌ له‌ئه‌نجومه‌نی‌ پارێزگای‌ سلێمانی‌ به‌ NNA ڕاگه‌یاند، له‌میانی‌ به‌شداریكردنیان له‌یه‌كه‌مین كۆنفرانسێكی‌ زانستی‌ زانكۆی‌ گه‌شه‌پێدانی‌ مرۆییدا، داواكارییه‌كیان ئاراسته‌ی‌ (د. عه‌لی‌ قه‌ره‌داغی‌) دامه‌زرێنه‌ری‌ زانكۆی‌ گه‌شه‌پێدانی‌ مرۆیی‌ كردوه‌، بۆ كردنه‌وه‌ی‌ كه‌مپێكی‌ زانكۆی‌ ناوبراو له‌پارێزگای‌ هه‌ڵه‌بجه‌دا، ناوبراویش ڕه‌زامه‌ندی‌ له‌سه‌ر ئه‌و داواكارییه‌ داوه‌و به‌ڵێنیداوه‌، كه‌مپێكی‌ زانكۆی‌ گه‌شه‌پێدانی‌ مرۆیی‌ له‌پارێزگای‌ هه‌ڵه‌بجه‌دا بكرێته‌وه‌.

ڕونیشیكرده‌وه‌، دامه‌زرێنه‌ری‌ زانكۆی‌ گه‌شه‌پێدانی‌ مرۆیی‌، به‌ڵێنی‌ هاوكاری‌ مادیی‌‌و زانستی‌ پارێزگای‌ هه‌ڵه‌بجه‌ بدات‌و هه‌وڵیش ده‌دات ژورێكی‌ بازرگانی‌ بۆ پارێزگای‌ هه‌ڵه‌بجه‌ بكاته‌وه‌.

حه‌سه‌ن عه‌بدوڵڵا باسی‌ له‌وه‌شكرد، كردنه‌وه‌ی‌ ئه‌و كه‌مپه‌ له‌هه‌ڵه‌بجه‌ گرنگی‌ خۆی‌ ده‌بێت، چونكه‌ زانكۆی‌ گه‌شه‌پێدان له‌ڕوی‌ ئاستی‌ زانستییه‌وه‌ له‌ئاستێكی‌ باشدایه‌، هاوكات هه‌موو هه‌وڵێك ده‌ده‌ن بۆ ئه‌وه‌ی‌ له‌كاتی‌ كردنه‌وه‌ی‌ ئه‌و به‌شه‌ی‌ زانكۆ له‌هه‌ڵه‌بجه‌، به‌نرخێكی‌ كه‌متر خوێندكار وه‌ربگرێت.

زۆرتر »

ئاهەنگی سەری سالێ کوردی

زۆرتر »

https://www.facebook.com/photo.php?v=466840293444528&set=vb.313272835467942&type=2&theater

زۆرتر »

سه‌رۆكی‌ هه‌رێم فه‌رمانێكی‌ ئاڕاسته‌ی‌ حكومه‌تی‌ هه‌رێم كرد و تیایدا پێی راگه‌یاندووه‌، به‌ زووترین كات قه‌زای‌ هه‌ڵه‌به‌جه‌ بكرێت به‌ پارێزگا.

سه‌رچاوه‌یه‌كی باڵا له‌ حكومه‌تی‌ هه‌رێم، به‌ خه‌ندانی‌ راگه‌یاند: "مه‌سعود بارزانی‌، سه‌رۆكی‌ هه‌رێم له‌ نووسراوێكدا بۆ حكومه‌تی‌ هه‌رێم، فه‌رمانی كرد به‌وه‌ی‌ به‌په‌له‌ رێوشوێنی‌ ئیداری‌ بۆ به‌ پارێزگاكردنی‌ هه‌ڵه‌بجه‌ بگیرێته‌به‌ر".

ئه‌و سه‌رچاوه‌یه‌، كه‌ نه‌یویست ناو و پۆسته‌كه‌ی‌ بڵاوبكرێته‌وه‌، وتیشی: "له‌ نووسراوه‌كه‌دا، ئاماژه‌ به‌وه‌دراوه‌، كه‌ له‌به‌ر ئه‌وه‌ی‌ به‌غدا كێشه‌ی‌ بۆ به‌پارێزگاكردنی‌ هه‌ڵه‌بجه‌ دروستكرد و له‌و ماوه‌یه‌دا هه‌وڵدرا دوزخورماتوو و ته‌لعفه‌ر به‌ پارێزگا بكرێت و به‌غدا نیازی‌ ئه‌وه‌ی‌ نییه‌ ئه‌و شاره‌ بكرێت به‌ پارێزگا، بۆیه‌ پێویسته‌ حكومه‌تی‌ هه‌رێم خۆی‌ به‌و كاره‌ هه‌ڵبستێت".

زۆرتر »

بۆ راگه‌یاندنی‌ ده‌وڵه‌تی‌ سه‌ربه‌خۆی‌ كوردی‌ زانایانی‌ ئایینی‌ به‌ڵگه‌نامه‌ی شه‌رعی‌ ده‌خه‌نه‌ڕوو

زانایانی ئاینی شاری هه‌ولێر، رێكه‌وتن له‌سه‌ر ده‌ركردنی‌ به‌ڵگه‌نامه‌یه‌كی‌ شه‌رعی‌ رێده‌دات كورد هاوشێوه‌ی‌ گه‌لانی دنیا ده‌وڵه‌تی‌ سه‌ربه‌خۆی‌ هه‌بێت.

له‌ كۆبونه‌وه‌یه‌كدا كه‌ بۆ ژماره‌یه‌ك له‌ زانایانی‌ ئایینی‌ ئیسلامی‌ له‌شاری‌ هه‌ولێر رێكخرابوو، گفتوگۆكرا له‌سه‌ر مافی‌ چاره‌ی‌ خۆنوسینی‌ گه‌لی‌ كورد و راگه‌یاندنی‌ ده‌وڵه‌ت كوردی‌ سه‌ربه‌خۆ به‌شێوه‌یه‌كی‌ ئاشتیانه‌ كرا.

دوای كۆبوونه‌وه‌كه‌ جه‌عفه‌ر گوانی‌، به‌ڕێوه‌به‌ری‌ راگه‌یاندنی‌ یه‌كێتی‌ زانایانی‌ ئایینی‌ ئیسلامی‌ كوردستان به‌ڵگه‌نامه‌ شه‌رعیه‌كانی‌ زانایانی ئاینی سه‌باره‌ت راگه‌یاندنی ده‌وڵه‌تی كوردی بۆ رۆژنامه‌نوسان خوێندنه‌وه‌.

جه‌عفه‌ر گوانی‌ وتی‌: به‌پشتبه‌ستن به‌ به‌ڵگه‌كانی‌ فیقهی‌ ئیسلامی‌، كورد مافی‌ ته‌واوی‌ هه‌یه‌ بۆ بڕیاردان له‌سه‌ر مافی‌ چاره‌ی‌ خۆنووسین و راگه‌یاندنی‌ ده‌وڵه‌تی‌ سه‌ربه‌خۆ به‌ رێی‌ ئاشتیانه‌، ئه‌وه‌ ش مافێكه‌ خوای‌ گه‌وره‌ به‌گه‌لانی‌ به‌خشیوه‌ و ناكرێ گه‌لی‌ كورد لێی‌ بێبه‌ش بكرێت.

جه‌عفه‌ر گوانی‌ ئه‌وه‌شی خسته‌ڕوو كه‌، بوونی‌ ده‌وڵه‌تی‌ كوردی‌ پشتی‌ موسڵمانان به‌ هێز ده‌كات له‌ناوچه‌كه‌دا، وه‌ك چۆن له‌ رابردوودا كورد ئیسلامی‌ پاراستوه‌ .

جه‌عفه‌ر گوانی‌ داوای له‌لایه‌نه‌ په‌یوه‌نداره‌كانی هه‌رێمی‌ كوردستان كرد ئه‌و به‌ڵگه‌نامه‌ شه‌رعیه‌ جێبه‌جێ بكه‌ن و له‌داهاتودا كۆنفرانسی فراوانی‌ بۆ ساز بكه‌ن.

زۆرتر »

لە یادى ڕاپەڕیندا

پێشمەرگە دیرینەکانى سەرجەم حیزبەکان لە سنورى هەڵەبجەو هەورامان و شارەزوور

لە ڕێو ڕەسمکێکدا پشتیوانى خۆیان بە پارێزگاکردنى هەڵەبجە دوپات دەکەنەوە

شوێنى دەست پێکردن :

فولکەى عومەرى خاوەر بۆ بەردەم چادرى چاوەڕوانى بە پاریزگا بوونى هەڵەبجە

کات: 3:30 عەسر

بەروار : پێنج شەممە 6ى3ى2014

زۆرتر »

ناوچه‌یه‌كی‌ پارێزراو دروستده‌كرێت

ناوچه‌ی‌ هه‌ورامان

به‌مه‌به‌ستی‌ پاراستنی‌ ئاژه‌ڵه‌ كێوییه‌كان له‌مه‌ترسی‌ له‌ناوچون‌و زیاتر گرنگیدان به‌سروشتی‌ ناوچه‌كه‌، بۆ یه‌كه‌مجار له‌نێوان هه‌رێمی‌ كوردستان‌و ئێراندا ناوچه‌كی‌ پارێزراو له‌ناحیه‌ی‌ بیاره‌و ناوچه‌ی‌ هه‌ورامان دروستده‌كرێت.

(نوخشه‌ ناسیح) به‌ڕێوه‌به‌ری‌ ناحیه‌ی‌ بیاره‌ به‌ NNA ڕاگه‌یاند، له‌ئێستادا پرۆژه‌ی‌ دروستكردنی‌ ناوچه‌یه‌كی‌ پارێزراو له‌نێوان هه‌رێمی‌ كوردستان‌و ئێراندا له‌به‌رده‌ستدایه‌، بۆ ئه‌وه‌ی‌ بكرێته‌ شوێنێكی‌ پارێزراو له‌نێوان هه‌ردولادا بۆ پارێزگاریكردن له‌سروشتی‌ ناوچه‌كه‌، ڕێگریكردن بۆ له‌ناوبردنی‌ ئاژه‌ڵه‌ كێوییه‌كانی‌ سنوری‌ نێوان هه‌رێم‌و ئێراندا.

وتیشی‌:"به‌مه‌به‌ستی‌ جێبه‌جێكردنی‌ ئه‌و پرۆژه‌یه‌ سێ‌ شوێن له‌سه‌ر ئاستی‌ عێراق دیاریكراوه‌، كه‌ دوانیان ده‌كه‌ونه‌ شاره‌كانی‌ (كوت‌و به‌سره‌) ناوچه‌ی‌ سێیه‌میش ده‌كه‌وێته‌ هه‌رێمی‌ كوردستان، به‌دیاریكراویش ناوچه‌ی‌ بیاره‌و هه‌ورامان، هاوكات لایه‌نه‌ په‌یوه‌ندیداره‌كانی‌ هه‌رێم‌و عێراق گفتوگۆیان له‌سه‌ر ئه‌و پرۆژه‌یه‌ ئه‌نجامداوه‌، بڕیاره‌ له‌داهاتودا له‌گه‌ڵ لایه‌نی‌ ئێرانی‌ گفتوگۆ بكرێت‌و ناوچه‌ پارێزراوه‌كه‌ دیاری‌ بكرێت، بودجه‌ی‌ پێویستی‌ بۆ ته‌رخان بكرێت بۆ ئه‌وه‌ی‌ بخرێته‌ بواری‌ جێبه‌جێكردنه‌وه‌".

به‌ڕێوه‌به‌ری‌ ناحیه‌ی‌ بیاره‌ ئاماژه‌ی‌ به‌وه‌شكرد، له‌زۆر ڕووه‌وه‌ ئه‌و پرۆژه‌یه‌ گرنگی‌ ده‌بێت بۆ ناوچه‌ی‌ هه‌ورامان به‌تایبه‌ت تا ئێستا توانراوه‌ سروشتی‌ ناوچه‌كه‌ بپارێزرێت، هاوكات له‌گه‌ڵ دروستكردنی‌ ئه‌و ناوچه‌ پارێزراوه‌شدا ئه‌و ئاژه‌ڵه‌ كێوییانه‌ی‌ كه‌ له‌سنوره‌كاندا هه‌ن پارێزراو ده‌بن، هه‌روه‌ها ئه‌و ڕوه‌ك‌و گژوگیایانه‌ی‌ بۆ دروستكردنی‌ ده‌رمان به‌كارده‌هێنرێن په‌ره‌یان پێده‌درێت ده‌پارێزرێن له‌له‌ناوچون، له‌دواجاریشدا واده‌كات زۆرترین گه‌شتیار ڕو له‌ناوچه‌كه‌ بكه‌ن.

ناحیه‌ی‌ بیاره‌ ده‌كه‌وێته‌ سنوری‌ نێوان هه‌رێمی‌ كوردستان‌و ئێراندا، له‌ڕوی‌ ئیدارییه‌وه‌ سه‌ر به‌قه‌زای‌ هه‌ڵه‌بجه‌یه‌و ده‌كه‌وێته‌ خۆرهه‌ڵاتی‌ شاری‌ سلێمانییه‌وه‌، (97) كیلۆمه‌تر له‌ناوه‌ندی‌ پارێزگاوه‌ دوره‌.

زۆرتر »

زۆرتر »

پشوه‌كانی ئه‌م مانگه‌ دیاری كران

وته‌بێژی حكومه‌تی هه‌رێمی‌ كوردستان، رۆژه‌ پشووه‌كانی‌ ئه‌م مانگه‌ی‌ به‌ فه‌رمی‌ راگه‌یاند.

سه‌فین دزه‌یی وته‌بێژی حكومه‌تی هه‌رێمی كوردستان، رایگه‌یاند: به‌بۆنه‌ی راپه‌ڕینه‌ مه‌زنه‌كه‌ی‌ كوردستان، رۆژی‌ 5 ئه‌م مانگه‌ له‌سه‌رجه‌م داموده‌زگاكانی‌ حكومه‌تی‌ هه‌رێم پشووی‌ ره‌سمییه‌.

دزه‌یی‌ وتیشی‌: جگه‌ له‌ و رۆژه‌، رۆژی‌ 14 مانگیش له‌سه‌رجه‌م داموده‌زگاكان پشووی‌ ره‌سمیه‌.

وته‌بێژی‌ حكومه‌تی‌ هه‌رێمی‌ كوردستان، ئاماژه‌ی‌ به‌وه‌شدا كه‌ به‌ بۆنه‌ی‌ جه‌ژنی‌ نه‌ورۆزیشه‌وه‌ رۆژانی‌ 20 بۆ 24 ی‌ مانگ پشووی‌ ره‌سمی‌ ده‌بێت له‌سه‌رجه‌م دامو ده‌زگاكانی‌ حكومه‌تی‌ هه‌رێمدا.

سه‌باره‌ت به‌ پشووی‌ وه‌زاره‌تی‌ په‌روه‌رده‌ش، سه‌فین دزه‌یی رونیكرده‌وه‌، كه‌ پشووی‌ ئه‌و وه‌زاره‌ته‌ له‌ رۆژی‌ 11 ئه‌م مانگه‌وه‌ ده‌ستپێده‌كات بۆ 24 مانگ و لەو ڕۆژەوە دەوامی ئاسایی سەرجەم دام و دەستگاکانی حکومەت دەستپێدەکاتەوە.

مانگی سێی هه‌موو ساڵێك ژماره‌یه‌ك بۆنه‌و یادی نیشتمانیی تێدایه‌و به‌وهۆیه‌وه‌ رۆژانی پشوو له‌و مانگه‌دا به‌به‌راورد به‌ مانگه‌كانی دیكه‌ زیاتره‌.

زۆرتر »

ماڵئاوایی‌ له‌هه‌ڵوه‌رینی قژت بكه‌

هه‌ڵوه‌رین قژ به‌یه‌كێك له‌خه‌مه‌ گه‌وره‌كانی‌ پیاوان داده‌نرێت، به‌ڵام به‌هاتنی‌ ساڵی‌ (2014) ئه‌و ترسه‌ ده‌ڕه‌وێته‌وه‌، ئه‌ویش به‌دۆزینه‌وه‌ی‌ باشترین گیراوه‌ بۆ ڕێگریكردن له‌هه‌ڵوه‌رینی‌ قژ.

ماڵپه‌ڕی‌ (مه‌سره‌س) بڵاویكرده‌وه‌، له‌گه‌ڵ هاتنی‌ ساڵی‌ نوێ‌ توێژه‌ره‌وه‌ به‌ریتانییه‌كان هه‌واڵێكی‌ دڵخۆشكه‌ریان بۆ پیاوان ئاشكراكرد، ئه‌وه‌ش بریتیه‌ له‌دۆزینه‌وه‌ی‌ چاره‌سه‌رێكی‌ نوێ‌‌و ئاسان بۆ ڕێگریكردن له‌هه‌ڵوه‌رینی‌ قژ ته‌نیا به‌گیراوه‌ی‌ سیر.

ئاماده‌كردنی‌ ئه‌و گیراوه‌یه‌ش به‌مجۆره‌ ده‌كرێت چه‌ند ده‌نكه‌ سیرێك بكرێته‌ ناو ئامێری‌ (عه‌ساره‌)‌و بڕێكی‌ كه‌م ئاوی‌ تێبكرێت‌و جوان تێكه‌ڵ بكرێن، پاشان ئه‌و گیراوه‌یه‌ بدرێت له‌بێخی‌ سه‌ر، كه‌ به‌چاره‌سه‌رێكی‌ زۆر باشی‌ هه‌ڵوه‌رین قژ داده‌نرێت‌و ده‌بێته‌هۆی‌ پته‌وكردنی‌ پێستی‌ سه‌ر.

زۆرتر »

زۆرتر »

زۆرتر »

به‌وێنه‌...چادرگه‌ی پارێزگای هه‌ڵه‌بجه‌

چالاكی یه‌كانی چادرگه‌ی پارێزگای هه‌ڵه‌بجه‌ به‌رده‌وامه‌...

1-3-2014

photo:دلاوەر بامۆکى

زۆرتر »

بەمەبەستی بەشداربوونمان لە خۆپیشاندانێکی مەدەنی جەماوەری بەرفراوان .. بەمەبەستی بەپارێزگابوونی هەڵەبجەو پەلەکردن لە جێ بەجێ کردنی ئەو بڕیارە .. تکایە تۆی ئافرەتیش لەم رۆژەدا هاو دەنگمان بەو بەشداربن لەو رێپێوانە هێمنانە ..

کۆبونەوەکە لە بەردەم بارەگای ئەنجومەنی ئافرەتان دەست پێ دەکات بۆ بەردەم باغی گشتی هەڵەبجە..

شوێن : بارەگای ئەنجومەنی ئافرەتانی هەڵەبجە - گەڕەکی مامۆستایان - سەروو سۆپەرمارکێتی هەڵەبجە - تەنیشت بارەگای (یەکێتی قوتابیانی کوردستان ) ..

کاتژمێر -٣ ی پاش نیوەڕۆ

رۆژی - یەک

شەممە بەرواری ٢-٣-٢٠١٤ 

زۆرتر »

سبه‌ی دابه‌شكردنی‌ مووچه‌ی‌ مانگی‌ شوباتی‌ فه‌رمانبه‌رانی‌ هه‌رێم ده‌ست پێده‌كات، به‌ بڕیاری‌ وه‌زاره‌تی‌ داراییش ته‌نها وه‌زاره‌تی‌ پلاندانان موچه‌ وه‌رده‌گرێت. وته‌بێژی‌ وه‌زاره‌تی‌ داراییش ده‌ڵێت، ئه‌و موچه‌یه‌ی‌ ده‌یده‌نه‌ فه‌رمانبه‌ران، به‌شێكی‌ قه‌رزه‌و به‌شێكی‌ تریشی‌ له‌ داهاتی‌ ناوخۆیه‌. 

ئاشكراشیده‌كات وه‌زاره‌تی‌ دارایی‌و ئه‌نجومه‌نی‌ دادوه‌ری‌‌و هه‌ر سێ سه‌رۆكایه‌تیه‌كه‌ی‌ هه‌رێم دوای سه‌رجه‌م وه‌زاره‌ته‌كان مووچه‌ وه‌رده‌گرن، هاوڵاتیانیش ده‌ڵێن، به‌هۆی‌ بێ پلانی‌ حكومه‌ته‌وه‌ موچه‌كانیان دواكه‌وتووه‌. 

15 رۆژ به‌سه‌ر دابه‌شكردنی‌ موچه‌ی‌ مانگی‌ شوبات تێده‌په‌رێت، حكومه‌تیش سه‌ره‌ڕایی ئه‌و هه‌موو داهاته‌ ناوخۆییه‌، به‌قه‌رزو قۆڵه‌ موچه‌ی‌ مانگی‌ شوباتی‌ فه‌رمانبه‌ره‌كانی‌ دابین ده‌كات. 

دلێر تاریق وته‌بێژی‌ وه‌زاره‌تی‌ دارایی رایگه‌یاند، رۆژی‌ یه‌ك شه‌ممه‌ ته‌نها وه‌زاره‌تی‌ پلاندانان موچه‌ وه‌رده‌گرێت و هه‌ریه‌ك له‌وه‌زاره‌تی‌ دارایی و ئه‌نجومه‌نی‌ دادوه‌ری‌ و هه‌ر سێ سه‌رۆكایه‌تیه‌كه‌ش دوای سه‌رجه‌م وه‌زاره‌ته‌كان موچه‌كانیان وه‌رده‌گرن. 

وته‌بێژی‌ وه‌زاره‌تی‌ دارایی ئاشكرایده‌كات ئه‌و موچه‌یه‌ی‌ دابه‌شی‌ ده‌كه‌ن به‌شێكی‌ قه‌رزه‌ كه‌ حكومه‌تی‌ هه‌رێم قه‌رزی‌ كردووه‌و به‌شێكی‌ تریشی‌ له‌داهاتی‌ ناوخۆیه‌. 

هاوڵاتیانیش ره‌خنه‌ له‌حكومه‌تی‌ كاربه‌رێكه‌ر ده‌گرن كه‌  هیچ پلانێكی‌ نه‌بووه‌ بۆ هه‌ر حاڵه‌تێكی‌ له‌و جۆره‌ كه‌ ڕوبدات‌و نه‌یتوانیوه‌ به‌رگه‌ی‌ ته‌نها یه‌ك مانگ بێ به‌غدادی‌ بگرێت. 

به‌پێی ئه‌و خشته‌یه‌ی‌ كه‌ وه‌زاره‌تی‌ دارایی بۆدابه‌شكردنی‌ موچه‌ی‌ فه‌رمانبه‌ران دایناوه‌ له‌ئێستادا ڕیزبه‌ندی‌ دابه‌شكردنه‌كه‌ تێكچوه‌، به‌جۆرێك وه‌زاره‌ته‌كانی‌ خوێندنی‌ باڵاو دارایی وه‌ك یه‌كه‌م وه‌زاره‌ت موچه‌یان وه‌رده‌گرت، بێت به‌ڵام له‌ئێستادا حكومه‌ت كار به‌و خشته‌یه‌ ناكات‌و دابه‌شكردنی‌ موچه‌ی‌ فه‌رمانبه‌رانیش تا ئه‌وكاته‌ ده‌بێت كه‌ حكومه‌ت پاره‌ی‌ له‌به‌رده‌ستدا ده‌بێت.

زۆرتر »