رێواس چه‌ندین سوودى ته‌ندروستى هه‌یه‌

رێواس رووەكێكی كوێستانی بەهاره‌یه‌ و چه‌ندین سوودى ته‌ندروستى هه‌یه‌

رێواس روەكێكی كوێستانیە و لە وەزری بەهاردا دەڕوێت و چەندین سودی هەیە بۆ لەش ، چونكە دەوڵەمەند بەریشاڵ و ڤیتامینەكانی A و B و C و پرۆتین و شەكر و كاربۆهیدرات و كالیسیۆم و سیۆدیۆم و پۆتاسیۆم.

وه‌رزی گیاو وگوڵی به‌هار وه‌ک که‌نگه‌ر و رێواس و پنگ و سیره‌ و سترك و لیش و سوریازو چۆرین و هه‌ندرش و ده‌یان رووه‌كى تر، که‌ له‌ ناوچه‌ی خۆمان زۆره‌و زۆریش به‌ سووده‌و قازانجی یه‌گجار زۆری هه‌یه‌ و بۆ ته‌واوی ئه‌ندامانی جه‌سته‌ سودمه‌نده‌و قازانجی زۆری هه‌یه‌.

رێواس قه‌ندی خوێن داده‌به‌زێنێت و بۆ به‌ هێز کردنی گه‌ده‌و و جه‌رگ سودی هه‌یه‌و بۆ ده‌رمانی بێ ئیشتایی سوودمه‌نده‌، ده‌رمانی زه‌ردوویی و بێهێزی یه‌، رێواس ته‌نانه‌ت ئه‌گه‌ر تاڵیش بێت سودمه‌نده‌، تامه‌ تاڵه‌که‌ی زار و زمان خاوێن ده‌کاته‌وه‌، له‌ رێواس خۆرشت، و کۆمپوت و مره‌با و شه‌ربه‌تیش دروست ده‌کرێ، شه‌ربه‌تی رێواس هاوڕێی ئاوی گێزه‌ر، که‌ره‌وز، خه‌یار و سێو زۆر سوودی هه‌یه‌، رێواس هه‌روه‌ها بۆ زۆرکردنی ئیشتیا و ده‌رمانی قه‌بز بوونیش سودمه‌نده‌.

شه‌ربه‌تی رێواس خواردنه‌وه‌یه‌كه‌ كه‌ جگه‌ له‌ نه‌هێشتنی تینوێتی به‌رگری له‌ش به‌ درێژایی رۆژ به‌رز ده‌كاته‌وه‌ و له‌ش له‌ ژه‌هره‌كان پاك ده‌كاته‌وه‌.

خواردنه‌وه‌ی تینوێتی ناهێڵێت و توانای له‌ش به‌هێز ده‌كات ، بۆیه‌ پسپۆڕان ئه‌م شه‌ربه‌ته‌ به‌ پێویست ده‌زانن به‌تایبه‌ت له‌ مانگی ره‌مه‌زاندا.

ئه‌م شه‌ربه‌ته‌ له‌ ئه‌نجامی تێكه‌ڵ كردنی چه‌ندین شه‌ربه‌تی رووه‌كی وه‌كو چای سه‌وز و دارچین و گه‌ڵای لیمۆ پێكهاتووه‌ و به‌هۆی ئه‌سید گلورۆنیك ، سیستمی له‌ش به‌هێز ده‌كات و ته‌مبه‌ڵی ریخوڵه‌كان چاره‌سه‌ر ده‌كات.

سودێكی تری رێواس رێگه‌ گرتنه‌ له وه‌رینی قژ و چرچی و لۆچی پێست و توند بوونی ده‌ماره‌كان و ماسوكه‌كان و جومگه‌كانه‌.

ـ گرنگترین سوودەكانى رێواس:-

1- تایبەتمەندی ساردی هەیە.

2- بەهێزكەرەوەیەو بۆ چارەسەری كرمی سك بەكار دێت.

3- گەدە ناچار دەكات بۆ دەردانی ئەنسۆلین و شەكری خوێن دادەبەزێنێت.

4- بۆ چارەسەركردنی زیپكەی لەش بەسوودە.

5- بۆ چارەسەركردنی نەبوونی ئارەزووی خواردن و ئازاری گەدە و نەخۆشیەكانی جگەر بەسوودە.

6- بەهێزكەری گەدە و ریخۆڵەیە و دەردانی گەدە رێكدەخات.

7- جوڵەی لەش چالاك دەكات و خاوی و سستی ناهێڵێت.

8- بۆ چارەسەری سك چوون بەسوودە.

9- خوێن پاك دەكاتەوە.

10- ئاوی تازەی رێواس چاو بەهێز دەكات و پەڵەی سپی ناهێڵێت.